Разочарувачкиот настап на Уругвај на Светското првенство доби ново продолжение, откако Фудбалската федерација реши да го откаже чартер-летот со кој репрезентацијата требаше заедно да се врати во татковината по елиминацијата во групната фаза.

Наместо заедничко патување, фудбалерите и членовите на стручниот штаб ќе отпатуваат индивидуално со редовни комерцијални летови. Овој потег во јавноста се толкува како уште една потврда за незадоволството по еден од најслабите настапи на двократниот светски шампион на мундијалите.

Уругвај не успеа да забележи ниту една победа во групната фаза. Репрезентацијата освои само два бода по ремијата против Саудиска Арабија и Зеленортските Острови, а во последното коло беше поразена од Шпанија со 1-0. Со таков биланс заврши на последното место во групата и остана единствената јужноамериканска селекција што не избори пласман во нокаут-фазата.

Познати се сите натпревари и термини — почнува нокаут фазата на Мундијалот