Аргентина со победа од 3-1 против Јордан ја заврши групната фаза на Светското првенство и го потврди лидерското место во својата група.

Светскиот шампион уште од почетокот ја презеде контролата врз натпреварот и поведе во 19. минута преку Џовани Ло Селсо. Предноста беше зголемена во 30. минута, кога Лаутаро Мартинез успешно ја затресе мрежата за 2-0.

Јордан покажа далеку подобро лице по паузата и во 55. минута намали преку Муса Ал Тамари, внесувајќи неизвесност во продолжението. Сепак, Аргентина не дозволи изненадување, а Меси во 80. минута ги постави конечните 3-1.

Во вториот натпревар од групата, Австрија и Алжир одиграа спектакуларен дуел кој заврши без победник – 3-3.

Австријците први поведоа преку Марко Арнаутовиќ, но Алжир брзо возврати со погодокот на Белгали. Во второто полувреме Марсел Сабицер повторно ѝ донесе предност на Австрија, но следуваше пресврт на Алжир. Ријад Марез со два гола го сврте резултатот во корист на својата селекција и ја доближи до победата.

Кога изгледаше дека Алжир ќе ги освои трите бода, Австрија во шестата минута од судиското продолжение стигна до израмнување преку Саша Калајџиќ, кој ги постави конечните 3-3.