Репрезентациите на Колумбија и Португалија одиграа натпревар без голови во Мајами, во рамките на третото коло од групата К. Со освоениот бод, Колумбија го обезбеди првото место во групата со седум бода, додека Португалија заврши како второпласирана селекција со пет бода.

Иако мрежите мируваа, натпреварот понуди бројни возбудувања. Најдобрата можност за Португалија ја пропушти Бруно Фернандеш во 39. минута, кога неговиот удар од седум метри го одбрани голманот Камило Варгас.

Во второто полувреме Колумбија беше поопасниот противник и во неколку наврати се закани кон противничкиот гол. Во судиското продолжение изгледаше дека стигна и до победнички погодок, кога Давинсон Санчес по нафрлувањето на Хуан Фернандо Кинтеро со глава ја испрати топката во мрежата.

Сепак, по проверката со помош на ВАР погодокот беше поништен поради недозволена положба. Во осминафиналето Колумбија ќе се соочи со Гана, додека Португалија ќе игра против Хрватска.