Најмладиот син на Дејвид и Викторија Бекам, Круз Бекам, ги поттикна гласините дека се свршил со својата девојка Џеки Апостел.

Шпекулациите започнаа откако 30-годишната Џеки на Инстаграм објави фотографии од натпреварот меѓу Бразил и Шкотска на Светското клупско првенство во Мајами.

На една од фотографиите, 21-годишниот Круз ја бакнува во образ, додека на нејзиниот домал прст јасно се забележува дијамантски прстен.

Покрај фотографијата што привлече големо внимание, Џеки кратко напиша: „Едноставно сум среќна што сум тука“.

Иако многумина се убедени дека станува збор за свршенички прстен, семејството Бекам сè уште не се огласило и не ги коментираше овие гласини.

Круз Бекам и Џеки Апостел првпат беа видени заедно во јуни 2024 година, а неколку месеци подоцна и јавно ја потврдија врската преку Инстаграм.

На почетокот на овој месец тие ја прославија втората годишнина од нивната врска, разменувајќи емотивни пораки на социјалните мрежи.

Круз тогаш напиша дека Џеки „ја извлекува најдобрата верзија од него“, заблагодарувајќи ѝ се за љубовта и поддршката, додека таа го нарече својата „омилена личност“.

Нивната врска претходно беше предмет на бројни коментари поради деветгодишната разлика во возраста. Џеки тогаш им одговори на критичарите, истакнувајќи дека Круз е „љубезен, духовит, зрел, талентиран и лојален“.

Во меѓувреме, музичарката стана голема поддршка на неговата музичка кариера и беше покрај него и за време на европскиот дел од неговата турнеја.

Судејќи според објавите на социјалните мрежи, Џеки ја има и целосната поддршка од семејството Бекам. Неговата мајка, Викторија Бекам, претходно јавно ѝ упати порака за Денот на вљубените: „Те сакаме.“

ФОТО | Среде семејната драма: Круз Бекам со нова тетоважа и силна порака