ФОТО | Среде семејната драма: Круз Бекам со нова тетоважа и силна порака
Круз Бекам во понеделникот ја покажа својата најнова тетоважа, токму во период кога неговата музичка кариера почнува сериозно да зема замав. Најмладиот син на Дејвид и Викторија Бекам, кој има 20 години, сподели фотографија без маица на Инстаграм, на која во преден план е новaта тетоважа, пишува „Дејли мејл“.
Препорачано
Иако фотографијата не е целосно јасна, се чини дека станува збор за религиозен мотив, сличен на тетоважата што веќе ја има неговиот брат Ромео. Тетоважата што се наоѓа над новиот дизајн е направена минатата година и претставува омаж на легендарниот член на Битлси, Џон Ленон. Круз ги истетовирал стиховите од песната „Just Like Starting Over “ преку рамениците. Познато е дека браќата Бекам имаат голема љубов кон тетоважите и често го посетуваат познатиот тату-уметник Certified Letter Boy во Лондон.
Во последните години, Круз интензивно се посвети на музиката, а според членовите на британскиот бенд „Кукс“ (The Kooks), тој е на пат да стане вистинска рок-ѕвезда. Неодамна дебитираше со сингловите „Optics“ и „Lick The Toad“, а со својот бенд „Брејкерс“ (The Breakers) одржа и неколку помали концерти во живо.
Подоцна овој и наредниот месец, Круз и „Брејкерс“ тргнуваат на турнеја низ Британија, а планирани се и настапи во Париз, Амстердам и Берлин. По најавата на турнејата, меѓу првите што јавно го поддржаа беше неговата мајка Викторија Бекам, која напиша:
„Толку сум горда на тебе, Круз!!“
Сето ова се случува по наводното повлекување на провокацијата упатена кон неговиот брат Бруклин, откако Круз го избриша контроверзното тикток-видео објавено минатиот вторник. Во видеото, снимено со Ромео, стоеше натписот:
„Замислете да нè мразите, а ние само си живееме вака.“
Видеото беше протолкувано како провокација бидејќи следеше кратко по шокантната изјава на 26-годишниот Бруклин, кој јавно се дистанцираше од родителите, критикувајќи го, како што рече, „неавтентичниот“ начин на живот на семејството.
Додека Викторија и Дејвид Бекам не коментираа јавно, видеото на Круз предизвика дополнителни тензии, што најверојатно доведе до негово бришење. Минатиот месец, Бруклин објави изјава во која наведе дека не е заинтересиран за помирување со семејството, вклучувајќи го и татко му Дејвид, но не ги спомена браќата Ромео и Круз, ниту 14-годишната сестра Харпер.
