ВИДЕО | Уживајте ова попладне: Мини торта од јагоди во чаша, совршена за топлите денови
Ништо повкусно досега немате пробано… Подгответе го овој превкусен десерт за ова попладне и уживајте во фантазијата од вкусови. Верувајте, штом еднаш го подготвите, потоа тој се почесто ќе се наоѓа на вашето мени.
Состојки:
-300 гр јагоди
-150 гр мелени бисквити
-100 гр стопен путер
-4 супени лажици густин
-4 лажици шеќер
-250 гр маскарпоне
-рендано бело сирење 150 гр
-4 лажици шеќер во прав
-200 гр шлаг
Подготовка:
На 150 гр мелени бисквити додадете 100 гр растопен путер и измешајте. Во друг сад измешајте 4 лажици густин и 4 лажици вода.
Во сад на оган ставете 300 гр јагоди или друго овошје, додадете 5 лажици вода и почекајте да зоврие, повремено мешајки.
Додадете го густинот и мешајте додека не се стегне. Оставете на страна.
Во сад измешајте 250 гр сирење маскарпоне, 150 гр рендано сирење и 4 лажици шеќер во прав и измешајте со миксер.
Во друг сад изматете 200 мл шлаг во цврст снег. Соединете го кремот и добро измешајте со лажица и наполнете ги чашите: слој бисквити – слој шлаг – слој јагоди.
Целиот процес на подготовка погледнете го во видеото: