ВИДЕО: Најмладиот учесник на Олимпијадата во Токио има 12 години
Хенд Заза ќе биде најмладиот учесник на претстојните Летни олимписки игри во Токио (Јапонија) кои ќе се одржат од 23 јули до 8 август.
Заза има само 12 години, доаѓа од Сирија и ќе настапи на олимпискиот турнир во пинг понг. Ова девојче започна да се занимава со овој спорт уште од пет годишна возраст.
Станува збор за огромен талент, со неверојатни вештини и ќе биде најмладиот олимписки учесник од 1968 година.
Во сите детски категории таа е шампион во нејзината земја, триумфираше на квалификацискиот турнир на Западна Азија и на тој начин дојде до учество на Олимпијадата.
– Започнав да го играм овој спорт, бидејќи сакам да бидам како мојот брат кој беше национален шампион. Ги гледав неговите настапи и му реков дека сакам да бидам како него. Ми даде голема поддршка и ми кажа дека доколку тренирам напорно можам многу да постигнам – рече Заза.
ВИДЕО: Што јадат спортистите во Токио, погледнете како изгледа ресторанот во олимпиското село