ВИДЕО | Фјури му се заканува на Вајлдер: „Ќе те нокаутирам, несигурен си во себе“

Првата борба заврши реми, а во втората Тајсон Фјури триумфираше против Дионтеј Вајлдер/Фото: EPA-EFE/ETIENNE LAURENT

Тајсон Фјури и Дионтеј Вајлдер разменија „тешки зборови“ на прес конференцијата по повод нивната борба која ќе се одржи в сабота на 9 октомври во Лас Вегас. Овој меч е вкупно трет помеѓу боксерите Фјури и Вајлдер за титулата светски шампион во тешка категорија.

По тој повод, се одржа прес -конференција на која тие двајца си разменија навреди, и одамна е познато дека тие навистина не се сакаат многу. Потсетување првата борба во 2018 година заврши реми, а во втората триумфираше Фјури две години подоцна.

– Што да кажам што веќе не е кажано? Подгответе се, ќе биде „војна“ и очекувајте голема борба. Како што можете да видите, јас сум облечен во црвено и ќе има гарантирана крв. Со нетрпение ја очекувам борбата, се гледаме таму – рече Вајлдер на почетокот на конференцијата.

Фјури потоа се обрати пред јавноста:

– Всушност, имам многу да кажам. Вајлдер тврди дека мамев во втората борба и дека победив поради тоа, а потоа го гледаме како тренира повеќе од кога било, па ќе го прашам: „Доколку мамев, зошто менуваш сè и толку се обидуваш?“ Дали некој има одговор на тоа прашање? Тој сигурно не може, нема мозок. И никој не може да одговори на тоа. Јас имам друг, тој вели дека сака да ме понижи и повреди бидејќи е полн со бес. Оние што држат в раце жежок јаглен и сакаат да повредат некого, на крајот се повредуваат.

Не сакам да го повредам Вајлдер, само сакам да го победам во рингот. Тој кажува лаги иако знае дека загуби и повторно ќе загуби, загуби првиот пат, загуби вториот пат, ќе загуби и трет пат и ќе се врати на работа во синџир за брза храна бидејќи само таму ќе биде добредојден. Пензионирај се. Ти си го*но и ќе те нокаутирам. Несигурен си во себе – вели Фјури.

Вајлдер на тоа додаде: „Кога ќе завршам со тебе, ќе треба да повикам брза помош“.

Фјури веднаш имаше одговор:

– „Заблагодари му се на твојот тренер што реагираше навремено. Тој ти го спаси животот. Мора да му ја зголемиш платата“.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот