Ѕвездата на Бруклин нетс, Кевин Дурент постигна рекордни во кариерата 55 поени, но и покрај тоа неговиот тим е поразен од Атланта хоус со 122:115. „Јастребите“ до триумфот дојдоа благодарение на Тре Јанг кој натпреварот го заврши со 36 постигнати поени, од кои девет даде во последната минута.

Покрај Јанг, одлично одиграа и резервистите на Атланта постигнувајќи 46 поени, наспротив 12 на резервистите на Бруклин.

Мајами хит со 129:109 го победи Чикаго булс и остана лидер во Источната конференција со скор 50-28 и има една победа повеќе од Милвоки.

Џими Батлер беше предводник на Мајами со 22 поени, а по 19 постигнаа Кајл Лаури и Тајлер Хироу, додека кај Чикаго се истакнаа Зек Лавин со 33 и Демар Дерозан со 26 поени.

Голден Стејт вориорс со победата од 111:107 над Јута го завери учеството во плеј-офот. Одлучувачки момент за триумфот беше серијата 24:6 за Голден Стејт во последните осум и пол минути од натпреварот. Клеј Томпсон ја предводеше листата на стрелци кај „воините“ со 36 поени, додека Џордан Пул даде 31 поен. Кај Јута Мајк Конли и Донован Мичел постигнаа по 26 поени.