Секое Светско првенство покрај новите ѕвезди носи и играчи кои не ги оправдуваат големите очекувања. Иако на Мундијалот пристигнаа како лидери на своите репрезентации, дел од најпознатите светски фудбалери не успеаја да го покажат најдоброто издание.

Токму затоа американскиот „ЕСПН“ го состави тимот на најголемите разочарувања на турнирот, а во него се најдоа звучни имиња од светскиот фудбал.

На голманската позиција е искусниот Фернандо Муслера, додека одбраната ја сочинуваат Џошуа Кимих, Вирџил ван Дајк, Марк Геји и Нико О’Рајли.

Во средниот ред место добија Федерико Валверде, Скот Мектоминеј и Бруно Фернандеш, а најразочарувачката напаѓачка тројка, според изборот на „ЕСПН“, ја сочинуваат Флоријан Вирц, Кристијан Пулишиќ и Нејмар.

Според анализата на американскиот медиум, сите овие фудбалери на Светското првенство пристигнаа со статус на клучни играчи и со големи очекувања од своите репрезентации. Сепак, наместо да бидат главни носители на играта, нивните настапи останаа далеку под нивото што јавноста и навивачите го очекуваа пред почетокот на шампионатот.

ВИДЕО | Eден аргентински репрезентативец не беше како останатите и покажа почит кон Шпанците

ФОТО | Роналдо со еден потег покажа што мисли за Аргентина и за ФИФА

ВИДЕО | Шпанците го понижија Роналдо на големата прослава во Мадрид