Барселона е подготвена да тргне во офанзива по потписот на шпанскиот репрезентативец Емерик Лапорт, објавуваат медиумите од Шпанија. Според нивните информации, каталонскиот гигант наскоро ќе воспостави контакт со неговите претставници за да ги разгледа можностите за реализација на трансферот.

Во клубот веруваат дека искусниот стопер би донел стабилност во последната линија благодарение на своето богато меѓународно искуство, лидерски квалитети и фактот што е левоног, профил што Барселона го цени при составувањето на одбраната.

Една од идеите е Лапорт да формира стоперски тандем со младиот Пау Кубарси, со кого веќе успешно соработуваше во дресот на шпанската репрезентација на Светското првенство.

Се наведува дека спортскиот директор Деко внимателно ги следел неговите настапи на Мундијалот, а прикажаните игри дополнително го убедиле дека Лапорт би бил вистинско засилување за тимот.

Наводно, неговата откупна клаузула изнесува 15 милиони евра, сума што во Барселона ја оценуваат како реална и финансиски достижна за евентуален трансфер.