Фантастичен десерт за целото семејство…

Состојки за чоколадниот бисквит:

– 4 јајца
– 200 грама шеќер
– 70 грама путер
– 70 грама чоколадо
– 60 мл млеко
– 60 мл врела вода
– 1 лажица арома од ванила
– 200 грама остро брашно
– 40 грама горко какао
– 2 лажици прашок за печиво
– прстофат сода бикарбона и сол

За сирупот за натопување на бисквитите:

– 150 мл млеко
– 150 мл крем ликер

За фил од јагоди со путер:

– 700 мл пире од јагоди
– 70 грама скробно брашно
– 100 грама шеќер
– 1 лажица арома од ванила
– 70 грама путер

За крем од кокос и ванила:

– 500 мл кокосово млеко
– 100 мл пина колада крем ликер
– 4 жолчки
– 90 грама скробно брашно
– 100 грама шеќер
– 1 шлаг од ванила + 100 мл млеко

Подготовка:

Најпрвин сварете го кремот, така што ќе разматите скробно брашно со шеќер во крем ликерот, па додадете ги пенасто изматените жолчки.

Загрејте го кокосовото млеко (литар вода и 250 гр кокосово брашно даваат 900 мл прекрасно густо млеко) и сварете густ крем.

Префрлете го во сад за ладење, прекријте ја површината на кремот со проѕирна фолија. Додека да се олади кремот, се мати бисквитот: жолчките изматете ги пенасто со шеќерот, измешајте го стопениот путер со чоколадо, додадете го млекото и врела вода.

Измешајте ги преостанатите состојки и снегот од белките.

Лим за торта (24 см) обложете го со хартија за печење, налијте ја смесата.

Печете на 175 степени, направете тест со чепкалка.

Оладениот бисквит пресечете го на 3 еднакви кори (исечете го горниот тврд дел).
На лесен оган загрејте го пирето од јагоди (во помал дел разматете го скробното брашно со шеќер и ванила), сварете го кремот и додадете го и путерот.

Долниот дел од бисквитот ставете го на плех, поставете го обрачот, натопете го со мешавина од млеко и ликер, па премачкајте го со топол фил од јагоди.

Ставете го во замрзнувач на кратко да се стегне, премачкајте го со крем од кокос и ванила во која сте го сматиле и шлаг кремот подготвен со 100 мл млеко (не како што пишува на кесичката).

Поклопете со другиот бисквит, исфилувајте го до крај, па украсете по желба.

Дополнително:

Разладената торта можете да ја прелиете со глазура – 100 грама чоколадо + 4 лажици масло.
Измазнете ја тортата со шпатула и околу залепете класичен чоколаден обрач – чисто растопено чоколадо премачкано по лентата на хартијата за печење.

Горе украсете со чоколаден шлаг крем, чоколадни трошки и јагоди во чоколадо.