Се чувствувам благодарно што кај мене, ниеден ден не наликува на претходниот. Имам кариера, но и стил на живеење, кои се спротивни од монотонија, секој нов ден носи мало или големо откритие, изненадување.

Без разлика дали работам на некој креативен проект (ревија, изложба, театарски костим, дизајн за внатрешно уредување итн.) или треба да одржам предавање, никогаш не е исто.

Единствена незаобиколна церемонија е утринското кафе, кое го преферирам во тишина. Појадокот е богато смуди и јаткасти плодови, па денот може да започне.

Вторник е ден кога со студентите го учиме јазикот на визуелните уметности, техниките на модната илустрација, но и постепено навлегуваме во вештините на дизајнирање колекција. Остатокот од денот е посветен на проект за идната година, кој се надевам дека ќе се реализира. Воедно, во тек се и состаноци со две амбасади, претежно поврзани со соработка со едукативна цел, на среќа и задоволство на студентите.

Но, за крај на денот, вторник вечер е посветен на онлајн-јога, време за постигнување на внатрешен мир, но и други доживувања од непроценлива вредност.
Намасте