Познатиот шармер се ужаснува од помислата дека филм стар 40 години ќе биде објавен сега: „Тоа беше лошо време за модата и фризурите“
Џорџ Клуни во 1983та година го сними филмот „Grizzly 2″, но не е воодушевен од идејата на продуцентите после речиси 40 години тој филм да го објават.
Џорџ Клуни не е воодушевен од тоа што овој хорор-трилер во кој тој глумеше во 1983-та година би можел сега да го здогледа светлото на денот.
На 59-годишниот шармер тоа му беше едно од првите актерски остварувања, а филмот „Grizzly 2“ е подготвен, но поради неможноста за вметнување на специјални ефекти продуцентите никогаш не го завршиле.
На крајот на декември продукцијата најави дека тоа дело сепак ќе биде објавено, и тоа по речиси 40 години откако е снимено. Клуни сепак нема да биде меѓу првите кои ќе купат карта за во кино.
„Не сум го погледнал тој филм и не сакам да го направам тоа“, изјави актерот за „The Sun“.
Тој истакна дека тоа било лош период кога станува збор за модата и фризурите. „Мислам дека пронајдов нешто што е полошо и од филмот „Бетмен и Робин“ од 1997 година“, заклучи Клуни, зборувајќи за филмот „Grizzly 2“.
Освен Клуни во филмот се појавуваат и актерите Чарли Шин и Лаура Дерн.