Откриени остатоци од најголемото животно кое некогаш одело по Земјата
Остатоци од најголемото животно кое некогаш одело по планетата Земја, откриени се во Аргентина, тврдат научниците од таа држава. Станува збор за непознат вид гигантски диносаурус, кој тежел над 69 тони.
Остатоците од долговратестиот диносаурус се стари над 98 милиони години, процениле научниците. Првите делови од коските откриени се пред осум години, а ископувањата сè уште траат.
Научниците досега успеале да ги одредат приближните димензии врз основа на до сега ископаните остатоци од тој диносаурус и сметаат дека бил поголем од, досега најголемиот познат, титаносаурус. Резултатите од проучувањето на ископаните остатоци неодмна се објавени и во научни списанија.
Научниците сè ште немаат доволно докази со кои ќе потврдат дека се работи за сосема нов вид диносаурус, односно дека нема врска со титаносаурусот, а најголем проблем е локацијата за ископување која е на непристапно место и им ја отежнува работата.