Сега потребно е да се покаже хуманост и да се дејствува, секој во рамки на своите можности и средства со кои располага но најмалку е време за политиканство. Не е важно кој побарал помош, туку важна е помошта, истакна претседателот на опозициската ВМРО – ДПМНЕ. Христијан Мицкоски, по средбата со унгарскиот министер за надворешни работи и трговија, Петер Сијарто.

– Многу брзо како партија, преку нашиот технички министер ќе поднесеме уредба до Владата за парична награда за оние кои се вклучени во заштита на здравјето и борбата протоив коронавирусот. Потребна е поддршка и заедничка грижа за хероите, соопшти Мицкоски, изразувајќи надеж дека Владата ќе ја поддржи нивната иницијатива.