Аргентина е репрезентацијата во чија корист се досудени убедливо најмногу пенали на последните два Мундијали.

За време на походот кон светската титула во Катар, „гаучосите“ добија пет пенали, а на актуелното Светско првенство досега им се досудени уште три, со што вкупната бројка достигна осум.

На второто место е Англија, која во истиот период добила четири пенали, односно двојно помалку од Аргентина. Притоа, Англичаните одиграле и два натпревари помалку, бидејќи на Светското првенство во Катар беа елиминирани во четвртфиналето од Франција.

Третото место на оваа листа го делат актуелниот светски вицешампион Франција, како и Португалија и Бразил, со по три досудени пенали.

Интересно е што на годинашниот Мундијал значително е намалена успешноста при изведувањето пенали. Според статистиката, реализацијата од белата точка изнесува околу 65 проценти.

Како пример се наведува Лионел Меси, кој од трите досудени пенали за Аргентина на актуелното Светско првенство не реализираше два, на натпреварите против Австрија и Египет, додека единствениот гол од игра за Аргентина го постигна Лаутаро Мартинез во дуелот со Јордан.

Приказна за лојалност и скромност: Знаете ли зошто Олисе на Инстаграм нема професионални фотографии од Мундијалот?

Нови детали за скандалот — црвениот картон на Балогун го поништил само еден човек од комисија со 18 члена

ФОТО | Напаѓачот на Норвешка добива смртни закани затоа што не му додаде на Халанд