Поранешниот телохранител на Крис Џенер, Марк Меквилијамс ја тужи ријалити ѕвездата и мајката на популарните сестри Кардашијан – Џенер за сексуално вознемирување додека работел за нив.

Имено, Марк во тужбата тврди дека Крис го навела на секс додека тој работел како нејзин телохранител во 2017 година. Покрај тужбата за сексуално вознемирување, Крис е обвинета и за токсична работна атмосфера, расна и родова дискриминација.

По овие обвинувања за јавноста се огласил и адвокатот на Крис Џенер:

„Крис Џенер категорично ги отфрла сите обвинувања, кои се целосно неосновани“, изјавил адвокатот за странските медиуми.

Крис, наводно, го допирала Меквилијамс насекаде по неговото тело, и не престанала да го прави тоа дури и откако телохранителот ја замолил да престане. Според судските записи, Марк се пожалил на својот шеф кој потоа го отстранил од позицијата телохранител на Крис Џенер и го префрлил да работи во куќата на нејзината ќерка Кортни. Но, сексуалното вознемирување, според неговата изјава, продолжило и во нејзината куќа.

Адвокатот на семејството Кардашијан – Џенер жестоко ги негирал обвинувањата во изјава за ТМЗ. Тој ја опишал тужбата како „смешна и несериозна“ и објаснил дека станува збор за поранешен вработен кој бил отпуштен затоа што спиел во текот на работното време и сега се обидува да ги достигне своите „пет минути слава“.

– Кога Крис и Кортни ќе го добијат ова дело на суд, тие планираат да го тужат Марк за клевета, додал адвокатот на семејството Кардашијан – Џенер