Хрватскиот пејач Петар Грашо денеска го прослави својот 50-ти роденден, а бил пречекан на голема прослава на која биле собрани бројни познати личности.

Пријателите на Грашо споделија делови од атмосферата од забавата на своите профили на Инстаграм.

Така, музичката ѕвезда Нина Бадриќ споделила серија фотографии од прославата и му упатила на Грашо трогателна порака која сведочи за нивното длабоко пријателство што трае со децении.

На една од фотографиите стои натписот „Секогаш ист… 50“ (Uvik isti… 50), референца на еден од најголемите хитови на Грашо и совршено мото за прослава на толку важна пресвртница во животот.

 

View this post on Instagram

 

A post shared by Nina Badrić (@badrich)

Нина во својата објава не криела колку Петар ѝ значи, како на приватен, така и на професионален план. Го опишла како свој „најмил човек од музичката сцена“, па се осврнала на нивниот заеднички пат.

„Откако се познаваме, прекрасно се следевме низ кариерата и животот и среќна сум што сме генерација (ај што сега… година горе-долу), па на оваа сцена стасавме заедно. Те сакам затоа што си, пред сè, прекрасен човек, голема радост и пријател“, напишала Нина, откривајќи ја длабочината на нивната врска.

На една од низата фотографии е и Јелена Розга, која насмеано позирала со Бадриќ

На прославата била и хрватската актерка Мирјана Микулец, која, судејќи според објавените фотографии, добро се забавувала.

 

View this post on Instagram

 

A post shared by Mirjana Mikulec (@mirjana_mikulec)

Прославата не ја пропуштила ниту поранешната хрватска манекенка и мис Викторија Раѓа, сопруга на познатиот хрватски кошаркар Дино Раѓа, која исто така се фотографирала со славеникот.

 

View this post on Instagram

 

A post shared by Viktorija Đonlić Rađa (@viktorija.radja)

Самиот пејач се осврнал на својот јубилеен роденден, забележувајќи дека сè уште се чувствува исто, но со повеќе искуство и спомени.

Тој рекол дека годините не се мерат со броеви, туку со моментите што ги исполнуваат, додавајќи дека неговиот живот досега бил исполнет токму со такви моменти.

„Половина век звучи сериозно кога ќе го кажете тоа, но всушност тоа е само бројка“, изјавил Грашо за „Стори“.

Јелена Розга изненади со детаљ за Петар Грашо: Една шега нѐ потсетува што поминавме заедно овие 28 години

ФОТО | „Ме вративте дома“: Дорис Драговиќ се расплака во Скопје, Грашо прослави 30 години кариера