Германскиот возач е казнет со додавање на пет секунди поради грешката која ја направи и небезбедното враќање на патеката, што значеше и победа за Луис Хамилтон во седмата Ф1 трка сезонава.

Од Ферари ги подготвија сите видео материјали со цел да докажат дека Фетел реагирал според правилата. Но, ФИА не размислува така.

BREAKING: FIA reject Ferrari's right to review Sebastian Vettel's Canada penalty

More to follow… #F1 pic.twitter.com/hjsZ7uPz2T

— Formula 1 (@F1) June 21, 2019

До комисијата беше испратена видео анализа после трката, коментар на Карун Чандхок за „Скај Спорт“, видео за од кацигата на Фетек, сведочење на самиот возач…

Состанокот на претставниците на Ферари и ФИА беше одржан в петок во Франција. Врховното тело одлучи дека нема „позначајни или релевантни елементи кои би ја промениле одлуката“.

Тоа значи дека Ферари уште чека на својата прва победа во 2019 година. Кај возачите води дуото на Мерцедес, Хамилтон (162) и Ботас (133 бодови), трет е Фетел (100). Кај конструкторите Мерцедес (295) е пред Ферари (172).