Јамал и Халанд испишаа историја – според „Трансфермаркт“ ниеден друг фудбалер досега не вредел повеќе
По завршувањето на Светското првенство 2026 година, „Трансфермаркт“ ги ажурираше пазарните вредности на фудбалерите, а на врвот на листата се Ламин Јамал и Ерлинг Халанд, чија вредност се проценува на 220 милиони евра.
Препорачано
-
1
-
2
-
3
Јамал ја предводеше Шпанија до светската титула, додека Халанд беше главниот играч на Норвешка. По Мундијалот, вредноста на двајцата порасна за по 20 милиони евра, со што станаа првите фудбалери во историјата на „Трансфермаркт“ чија пазарна вредност ја надмина границата од 200 милиони евра.
🇳🇴 Erling Haaland is currently the most valuable football player on earth, with a value of €220M.
🥇 €220M – Erling Haaland
🥈 €218M – Lamine Yamal
🥉 €200M – Kylian Mbappé
🎖️ €170M – Michael Olise
🎖️ €160M – Jude BellinghamThe Viking. pic.twitter.com/tDKCtHglzr
— Statman James (@JamesStatman) July 22, 2026
Transfermarkt history has just been broken as both Yamal & Haaland become the first players to ever surpass €200m in market value 🚀🤑 pic.twitter.com/Wbz4iSTBYz
— Transfermarkt.co.uk (@TMuk_news) July 22, 2026
До вредност од 200 милиони евра стигна и Килијан Мбапе. Францускиот напаѓач имаше одлично Светско првенство, на кое постигна десет голови, па неговата цена дополнително порасна.
Еден од најголемите добитници по Светското првенство е Мајкл Олисе.
Крилниот напаѓач на Баерн Минхен го урна рекордот по бројот на асистенции на едно Светско првенство, а неговата пазарна вредност порасна на 170 милиони евра, со што стана четвртиот највреден фудбалер во светот.
Петтото место му припаѓа на Џуд Белингем, чија вредност сега изнесува 160 милиони евра.
Значително зголемување на вредноста забележаа и Елиот Андерсон, кој сега се проценува на 120 милиони евра, како и Хулијан Алварез, чија вредност достигна 110 милиони евра.
Винисиус Жуниор се наоѓа на седмото место на листата, со пазарна вредност која е за десет милиони евра помала од онаа на Педри кој е на шестото место.
