Билетите за Евровизија 2026 се распродадени за рекордно време, што покажува колку ова натпреварување е популарно и ја привлекува публика од целиот свет. Билетите за големото финале  биле распродадени за само 14 минути откако биле пуштени во продажба, а сите билети за полуфиналето се распродадени за 20 минути, пренесува „ЕБУ“.

Фановите исто така ги разграбале билетите за двете претпремиери за секое полуфинале и за големото финале. Сите биле распродадени само еден час по стартот на продажбата.

Винер Штадхале – Виена, каде ќе се одржи 70. евровизиски натпревар, има најголем капацитет од сите локации на Евровизија во последните години.

Мартин Грин, директор на Евровизија, изјави:

– Одзивот беше феноменален. Да се види како секој настап се распродава толку брзо е силен потсетник што претставува „Песната на Евровизија“.

Извршниот продуцент на домаќинот ORF, Михаел Крен, додаде:

– Огромниот интерес потврдува дека Евровизија и понатаму ги собира луѓето, дури и по седум децении. Прекрасно е да се види тоа и уште повеќе не мотивира да направиме навистина посебно шоу. Му благодарам на нашиот партнер за беспрекорно водење на продажбата и се радуваме што ќе го прославиме фестивалот на музика и радост со фанови од целиот свет во мај.

Евровизија останува едно од најголемите светски ТВ музички натпреварувања, а милиони фанови од целиот свет ќе можат да ги следат трите спектакуларни шоуа во живо на јавните медиумски канали низ Европа, како и на официјалниот Јутјуб канал на Евровизија.

Фановите во секоја земја ќе можат да гласаат за своите омилени песни.

35 јавни сервиси ќе испратат свои песни и изведувачи за натпреварување во Винер Штадхале во двете полуфиналиња и големото финале на 12, 14 и 16 мај.

Фаворит пред стартот? Евровизија не е ни блиску, а Израел е веќе прв на обложувалниците

Скандал ја тресе Евровизија! Холандија, Шпанија, Ирска и Словенија го откажаа учеството поради Израел