БАЛКАНСКА ВЕЧЕР: Црвена Звезда, Олимпијакос и Динамо Загреб во групите на ЛШ!
На првиот дуел во Швајцарија беше 2:2, а и на денешниот дуел немаше победник, Црвена Звезда одигра нерешено 1:1 против Јанг Бојс.
Благодарение на поголем број постигнати голови на гостински терен играчите на Милојевиќ ја остварија целта. Во 59 минута водеа српските шампиони со голот на Вукановиќ, а гостите благодарение на автоголот на Ел Фарду Бен барем останаа непоразени на ова гостување.
https://twitter.com/MovGev9/status/1166445628911685633
Во останатите две средби, Олимпијакос уште еднаш го совлада рускиот Краснодар овојпат минимално со 1:2 и по 19 пат е во европскиот крем, а во групната фаза на ЛШ се најде и Динамо Загреб на македонскиот репрезентативец Аријан Адеми.
Откако во Хрватска славеа „модрите“ со резултат 2:0, на „Леркендал“ стадионот ремизираа 1:1 против Розенборг.
Домаќините поведоа уште во 11 минута преку Акинтола, но фудбалерите на Бјелица израмнија со прекрасниот погодок на Гојак. Нашиот интернационалец Адеми кој е капитен на клубот го одигра целиот меч.
⏰ RESULTS ⏰
? Crvena zvezda through on away goals
? Olympiacos in the group stage for 19th time
? Dinamo Zagreb secure spot in Thursday's draw
? Who impressed you tonight?#UCL
— UEFA Champions League (@ChampionsLeague) August 27, 2019
Црвена Звезда, Олимпијакос и Динамо Загреб одат во групите на ЛШ, а поразените Јанг Бојс, Краснодар и Розенборг ќе играат во групите на Лига Европа.
Лига на шампиони, плејоф
Реванш, во заграда се резултатите од првите натпревари:
Црвена Звезда-Јанг Бојс 1:1 (2:2)
Краснодар-Олимпијакос 1:2 (0:4)
Розенборг-Динамо Загреб 1:1 (0:2)