Ако имате проблем со памтењето на своите обврски, Вибер има нова корисна опција за вас
Функцијата се активира со долго притиснување на било која белешка во рамките на My Notes…
Популарната апликација за бесплатна комуникација „Rakuten Viber“ ја претстави новата функција во рамките на опцијата „My Notes“ (Мои белешки), која на корисниците им овозможува да прават потсетници за своите обврски и други важни случувања.
Функцијата се активира со долго притиснување на било која белешка во рамките на „My Notes“ и избор на опцијата „Направи потсетник“.
Следниот чекор е избор на време и датум за потсетникот, како и дали потсетникот ќе се повторува. Кога ќе наместите се, потсетникот ќе се појави на вашиот мобилен телефон во зададеното време.
Новата функција го надополнува веќе постоечкото во „белешките“ кои на корисниците и овозможуваат да:
– прават белешки за обврските, случувањата и други цели.
– да ги означат своите обврски како „обавени“ и да ги сокријат оние кои се завршени.
– да проследат пораки од чатот со други корисници во „My Notes“. Тие пораки ќе содржат информации за тоа од кој разговор настанале, со цел корисникот да може секогаш да се потсети на содржината на разговорот.
Корисниците, со помош на новата опција, ќе имаат преглед на сите свои пораки и потсетници во апликацијата.