Онс Жабер (Тунис) и Елена Рибакина (Казахстан) се пласираа во женското финале на грен слем турниро „Вимблдон“, кои беа подобри од Татјана Марија (Германија) и Симона Халеп (Романија) во полуфиналните дуели на третиот Грен слем во сезоната.

Во борбата за финале против тенисерката од Германија, Жабер брилијантно влезе во мечот, прво пропушти три можности за брејк, па во третиот гем втората прилика ја претвори во 2:1, а во седмиот гем стигна вториот брејк, па со 6:2 направи исчекор кон финалето.

Во вториот сет не блескаше втората светска тенисерка, Марија успеа да одбрани две брејк шанси во третиот гем пред да го одземе сервисот на својата ривалка во четвртиот и да го израмни резултатот на 6:3 за 1:1.

Ons the way to a first Grand Slam final 🇹🇳@Ons_Jabeur defeats Tatjana Maria 6-2, 3-6, 6-1#Wimbledon | #CentreCourt100 pic.twitter.com/tnNObItxw3

— Wimbledon (@Wimbledon) July 7, 2022

The final is set.

It's Jabeur vs. Rybakina for the Ladies' Singles title 🏆#Wimbledon | #CentreCourt100 pic.twitter.com/tLovGbxPfo

— Wimbledon (@Wimbledon) July 7, 2022

Но, тој пад беше само слаб момент, бидејќи во третиот сет следеше повторно доминација на Тунижанката, пет врзани гема со два брејка и лесни 5:0, по што остана само да го потврди пласманот во финалето.

Така таа стана првата Африканка која стигнала до финалето на Грен слем турнир. За трофејот ќе ги одмери силите со Елена Рибакина, која беше убедлива против Симона Халеп.

Rybakina roars onto the biggest stage

The 23-year-old defeats Simona Halep 6-3, 6-3 to reach her first Grand Slam final#Wimbledon | #CentreCourt100 pic.twitter.com/u0jfhZlDEA

— Wimbledon (@Wimbledon) July 7, 2022

Најпрво во првиот сет по еден брејк поведе со 2:0 и таа предност ја задржа до крајот за 6:3. Во вториот ја загуби предноста од брејкот во четвртиот гем, но поведе повторно во следниот, а потоа дојде со нов брејк во деветтиот гем до место во борбата за титулата.

Финалето помеѓу Жабер и Рибакина е закажано за в сабота со почеток во 15.00 часот.