На 2 август, во организација на боречкиот клуб на Црвена звезда, во Белград, Србија, се одржа меѓународен турнир на кој учество зедоа и борачките од клубот „7 мај“ од Прилеп.

Во категоријата до 50 кг., Викторија Стојаноска го освои третото место, додека во категоријата до 53 кг., Ангела Трајкоска се закити со сребрен медал и го освои второто место.

Тамара Цветкоска, која се натпреваруваше во категоријата до 62 кг., го освои петтото место по силна конкуренција.

Иако Цветкоска и Трајкоска имаат само 17 години, тие се натпреваруваа во посилната категорија до 23 години (У23), покажувајќи зрелост, храброст и исклучителна борбеност.

Настапот на овие млади борачки претставува уште еден успех како за клубот така и за нашата држава.