По веста дека Бен Афлек и Џенифер Лопез повторно се вериле, сите со нетрпение ја исчекуваа реакцијата на поранешниот вереник Алекс Родригез, со кој пејачката се раздели минатата година.

Алекс гостуваше во емисијата „Sunday Night Baseball“, каде водителот и коментатор Мајкл Кеј суптилно го „боцна“ со веста за веридбата на Џенифер.

„Времето е одлично за спорт. Го имаме новиот првак на Мастерсот, започнува НБА плејофот, бејзболот е во полн замав, луѓето прават веридби. Мислам среќни се времињата во светот“, изјави Кеј за време на разговорот, на што Алекс се насмевна.

„Среќа и мир во светот е тоа што го бараме“, коментираше тој, се насмевна, а потоа замолче, пред да ја промени темата и да продолжи со коментирање на натпреварот.

Michael Kay fooling around with A-Rod, by subliminally brining up JLo. #Yankees pic.twitter.com/vQ0ROed5xQ

— Aaron (@Aaron_Lafond) April 11, 2022

Да се потсетиме, Џенифер и Алекс венчавката ја најавија во 2020 година, но пандемијата ги спречи во тоа. Една година подоцна тие објавија дека се разделуваат.