ВИДЕО: Тенисерите не се сомневаат, Ѓоковиќ ќе биде најдобар и во 2021 година!
АТП спроведе анкета меѓу тенисерите, предвидувајќи кои 10 играчи ќе бидат во „топ 10“ на крајот на сезоната. Никој не се сомнева дека Новак Ѓоковиќ ќе биде најдобар.
Во анкетата на АТП учествуваа познати играчи како Григор Димитров, Ник Кирјос, Тејл Фриц, Феликс Оже-Алијасим, Давид Гофан, Рајли Опелка, Лојд Харис и Мекензи Мекдоналд.
Сите тие предвидоа точно исти седум играчи на врвот на АТП-листата – Ѓоковиќ е најдобар, а по него следат Надал, Медведев, Тим, Зверев, Циципас и Рубљов.
Интересно е што никој не го избра Рожер Федерер. Изгледа дека не веруваат дека Швајцарецот може да се врати на врвот.
Дел од нив доцна се сетија, заборавија дека и натаму Федерер се натпреварува, па подоцна сакаа да го вметнат во Топ 10. Кирјос дури ја искористи можноста да каже дека би сакал Федерер да биде прв во светот затоа што тој го смета за „тениски Бог“.
Let’s hear your Top 10 ? pic.twitter.com/haCYmmvDxZ
— ATP Tour (@atptour) March 13, 2021