Новак Ѓоковиќ успешно ја започна годината, по деветти пат триумфира на Австралија Опен, а наредниот грен слен турнир сезонава ќе биде Ролан Гарос каде е речиси невозможно да се победи.

На грен слем турнирот во Париз вистински владетел е Рафаел Надал кој има дури 13 триумфи.

Минатата сезона, Рафаел Надал во финалето го совлада токму Ѓоковиќ во три сета и тоа со убедливи 6:0,6:2,7:5.

– Имам проблем на Ролан Гарос и тој се вика Рафаел Надал. Но, ќе се обидам оваа година да дојдам до трофејот – изјави Ѓоковиќ за ТВ Франс.

Токму Ѓоковиќ заедно со Робин Содерлинг се единствените тенисери кои го имаат победено Надал на Ролан Гарос.

– Доколку имате некој совет како да го победам, не се двоумете, кажете ми. Мора да бидете максимално подготвени и на физички и на психички план доколку сакате да го победите Надал. Еднаш успеав во тоа, но многу често губев од него. Мислам дека најголемиот предизвик во тенисот е да се победи Надал на Ролан Гарос. Сакам предизвици и ќе дадам се од себе за да успеам – рече Ѓоковиќ.

Сезоната на земјените терени започнува наредниот месец, а Ролан Гарос е предвидено да се одржи од 23. мај до 6. јуни.