Тимоти Шаламе оваа година со номинацијата за Оскар за најдобар актер постави интересен рекорд. Актерот, кој глуми во филмот „Marty Supreme“, важи за еден од фаворитите за освојување на својот прв Оскар, откако претходно веќе беше номиниран за улогите во „Call Me by Your Name“ и „A Complete Unknown“.

Улогата во „Marty Supreme“ му донесе два рекорда

Номинацијата за новиот филм на Џош Сафди му донесе дури два рекорда. Шаламе стана најмладиот актер со три номинации за најдобар актер уште од времето на Марлон Брандо во 1954 година.

Воедно, со трите номинации во оваа категорија, тој се најде во друштво на големи имиња како Вил Смит, Хоакин Феникс, Гери Олдман и Хамфри Богарт.

Шаламе е и најмладиот актер кој има дури осум филмови номинирани за Оскар за најдобар филм. Во досегашната кариера има снимено 22 долгометражни филма, а осум од нив биле дел од најпрестижната категорија.

„Се стремам кон величина“

Иако неговиот говор на доделувањето на SAG наградите во 2025 година, кога изјави дека „се стреми кон величина“, предизвика поделени реакции, изгледа дека младиот актер оди токму по патот што го најави.

Најмногу внимание сепак привлече филмот „Sinners“, кој урна долгогодишен рекорд на Оскарите. Со дури 16 номинации, филмот ги надмина досегашните рекордери „Titanic“ и „La La Land“ кои имаа по 14 номинации и стана филм со најмногу номинации во историјата на Оскарите.

Филмот донесе и неочекувани номинации за актерите Вунми Мосаку и Делрој Линдо.

Номинации за Оскари 2026: „Грешници“ постави нов рекорд, а новиот филм на Дикаприо му е конкуренција

ВИДЕО | Падна сладок бакнеж: Тимоти Шаламе и Кајли Џенер разменија нежности на Златните глобуси

Шега или навреда? Коментарите на Тимоти Шаламе за црнечката култура ја поделија јавноста

Филмските критичари ги наградија најдобрите филмски и телевизиски достигнувања: Триумф на филмот „Една битка по друга“, Тимоти Шаламе е најдобар актер