ВИДЕО | Шопов: Книжарницата „Буква“ ќе биде нова културна точка што му недостасува на Скопје

Пред неколку денови во центарот на Скопје беше отворена новата книжарница „Буква“ која, како што вели еден од иницијаторите, писателот Иван Шопов, ќе понуди културни содржини кои му недостасуваат на Скопје.

– Идејата датира веќе подолго време, заедно со Андреј Јованчевски и Филип Димевски се нафативме да го истераме проектот „Буква“ и покрај пандемијата на коронавирусот, заради тоа што сметаме дека градот нема доволно вакви простори, му недостасуваат уште повеќе културни точки. „Буква“ е кафе – книжарница со која планираме, со настаните што сакаме да ги организираме, а кои ќе вклучуваат книжевност, ликовна уметност, графички дизајн, проекции на филмови итн, барем малку да ја подобриме културната понуда во градот. Практиката покажа дека со добра организација, со почитување на протоколите возможно е безбедно да се одржуваат и настани во живо, бидејќи се покажа дека онлајн настаните се само делумна сатисфакција.“, рече за Утрински брифинг, Иван Шопов, писател и еден од иницијаторите на „Буква“.

„Буква“ ќе се фокусира претежно на изданија на помалите издавачки куќи бидејќи сметаме дека иако се квалитетни, не им се посветува доволно внимание. Но, не се ограничуваме само на овие изданија, пресуден е сепак квалитетот. „Буква“ има одлична летна тераса и штом временските услови ќе го дозволат тоа планираме да организираме и мали саеми, промоции на книги, планираме и еден посебен дел кој ќе биде посветен на постерите кои не се доволно афирмирани“, вели Шопов.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот