Србија го отпушти селекторот кој и донесе европска титула

Слободан Ковач во 2019 година стана европски шампион со Србија/ фото: EPA-EFE/Adam Warzawa

Одбојкарската федерација на Србија (ОФС) денеска денесе одлука да не ја продолжи соработката со селекторот на машката сениорска репрезентација, Слободан Ковач.

Претседателството на ОФС одлучи по неуспехот на ЕП кое се одржа оваа година и на кое Србија остана без медал, да не го продолжи договорот со Ковач кој пак во 2019 година стана европски шампион.

Ковач на клупата на Србија го наследи Никола Грбиќ и тоа во август 2019 година, само десет дена пред стартот на ЕП, но успеа да ги однесе одбојкарите до златниот медал.

„ОФС му изразува благодарност на Ковач за досегашната работа и резултатите и му посакува успех во понатамошната тренерска кариера“, соопшти ОФС.