СОСЕДИ ОД ПЕКОЛОТ: Комшиите тврдат дека животот им се претворил во вистински хаос откако Меган и Хари се доселиле до нив
Откако се одлучија да ја напуштат Велика Британија и својата среќа да ја побараат во Америка, Меган Маркл и принцот Хари, не престануваат да ја интригираат јавноста.
Тому поради тоа, младиот пар речиси секојдневно е на мета на разни медиуми и фотографи кои сакаат да имаат увид во нивниот приватен живот. Меѓутоа, се чини дека токму тоа ги направило соседи од пеколот во квартот во Лос Анџелес каде што во моментот живеат.
Имено, како што открива изворот, соседите на кралскиот пар воопшто не се воодушевени од фактот дека покрај нив постојано летаат дронови, во зеленилото се кријат фоторепортери и сл, па токму затоа ги нарекоа „соседи од пеколот“.
– Луѓето плаќаат милиони за да живеат таму бидејќи населбата е мирна и им овозможува приватност. Меѓутоа, со доаѓањето на Меган Маркл и принцот Хари, животот на околните соседи се претворил во вистински хаос, раскажа изворот.
Исто така тој посочил дека соседите не се воодушевени ниту од нивното однесување.
– Стојат настрана и не се воопшто пристојни и пристапни. Кога ги шетаат кучињата во населбата, не се ни поздравуваат, а при посетата на локалните супермаркети бараат истите да бидат затворени за останатите купувачи со цел да пазарат на мир, објасни изворот нагласувајќи дека целата населба би била далеку посреќна и помирна доколку Хари и Меган никогаш не се доселиле.