Славниот режисер и понатака ќе соработува со Вил Смит: Тој е многу стабилен човек
Славниот режисер Мајкл Беј за „Entertainment Weekly“ се осврна на нападот за време на доделувањето на Оскари и изјави дека апсолутно повторно би соработувал со Вил Смит, со кој веќе работеше на два акциски филмови – „Bad Boys“ и „Bad Boys II“.
„Апсолутно 100 проценти. Тој е многу стабилен човек. Многу стабилен“, изјави Беј, кој во овој момент го рекламира новиот филм „Ambulance“.
Треба да зборуваме за Украина, а за ова не ми е гајле!
Кога новинарот го запраша што мисли за нападот, режисерот веднаш одговори:
„Не ми е гајле. Холивуд знае да биде многу самобендисан. Во Украина во моментот се фрлаат бомби врз бебиња. За тоа треба да зборуваме. За ова не ми е гајле“.
View this post on Instagram
Но подоцна режисерот се отвори и изјави:
„На почетокот не бев сигурен дали тоа навистина се случи, но потоа го видов Вил како вреска. Така навистина се однесува. Тој е неверојатен борец, има вежбано и бокс. Но веднаш сакам да кажам дека тоа не го оправдувам. Од друга страна, некои пишуваа дека можеше да го убие Крис Рок, а тоа не е вистина, тоа не беше таков удар, беше најобична шлаканица“.