Руд и Алкараз ќе играат во финалето на УС опен
Кастер Руд и Карлос Алкараз ќе играат во финалето на последниот годинешен гренд слем турнир, УС опен, а освен прва титула од четирите најголеми тениски турнири, еден од двајцата играчи од понеделник ќе стане и прв тенисер на АТП ранг листата.
За Руд ова е второ гренд слем финале, првото му беше на Ролан Гарос, додека Алкараз за прв пат ќе игра во финалето на гренд слем турнир.
Руд во четири сета со 7:6,6:2,5:7,6:2 беше подобар од Карен Качанов, додека Алкараз во нов маратонски меч кој траеше четири часа и 22 минути го совлада Американецот Френсис Тиафо со 3:2 во сетови и тоа со 6:7,6:3,6:1,6:7,6:3.
На Алкараз не му пречеше и тоа што во четвртфиналето имаше исцрпувачки меч од пет часа и 15 минути против Јаник Синер.
Тиафо подобро го започна мечот кој успеа да го добие првиот сет во тај-брејк по еден час игра.
Во вториот сет, Алкараз покажа дека тешкиот меч против Синер не го исцрпил и му беше доволен само еден брејк за да израмни на 1:1 во сетови. Во третиот сет, Шпанецот дури три пати го одзеде сервисот на Тиафо и славеше со убедливи 6:1.
Сепак, Тиафо кој на патот до полуфиналето успеа да го елиминира Рафаел Надал, не се предаде и успеа во слави во тај-брејкот и мечот да го однесе во решавачкиот петти сет.
Во него, Алкараз поведе со 2:0 во гемови, но Тиафо експресно возрати и израмни на 2:2. Во шестиот гем Шпанецот повторно направи брејк кој го потврди со уште еден во осмиот гем за пласман во првото гренд слем финале.
Каспер Руд за три часа и три минути со 7:6,6:2,5:7,6:2 го победи Карен Качанов.