При претрес во Охрид: Дилер на дрога лишен од слобода
Вчеравечер околу 21:30 часот во Охрид, пред угостителски објект кај бензинска станица, полициски службеници од Одделот за криминалистичка полиција-Сектор за недозволена трговија со дрога, оружје и опасни материи, во координација со Одделот за специјални полициски операции-Единица за специјални задачи и СВР Охрид – Оддел за недозволена трговија со дрога и оружје, го лишија од слобода А.И. (44) од Охрид, поради постоење на основано сомнение за сторени кривични дела недозволена трговија со дрога и оружје.
– При извршениот преглед кај него и во неговото возило се пронајдени марихуана и два ножа, а при претреси во неговиот и домот на неговата сопруга, извршени по претходно издадени судски наредби од Судија на претходна постапка од Основен суд Охрид, биле пронајдени и одземени марихуана, дигитална вага со остатоци од марихуана и 331 парче распрскувачки материи, се вели во соопштението на Министерството за внатрешни работи (МВР).
По завршување на претресот, А.И. е приведен во Полициска станица Охрид, а по комплетирање на целокупната документација ќе бидат поднесени кривични пријави за сторени Кривични дела по член 215 и чл. 396 од Кривичниот законик.