Партнерот на Ана Бекута приклучен на респиратор, лекарите се борат за животот на политичарот

Фото: Инстаграм

Српскиот политичар, почесен претседател на СПС и пратеник Милутин Мркоњиќ-Мрка (79) е во тешка состојба и лекарите се борат за неговиот живот.

Како што потврдиле од болницата за српски „Курир“, Мркоњиќ е на одделението за Интензивна нега, на апарати и приклучен на респиратор, а лекарите прават се за да му се стабилизира состојбата.

Мркоњиќ веќе долго време е во болница, а сега состојбата нагло му се влошила.

Да потсетиме, Мркоњиќ на почетокот на месецот завршил на кардиоваскуларната клиника во Белград, каде што му бил вграден пејсмејкер. Во август ги оперирал срцевите залистоци, и тоа со нов метод, преку препоните.

Милутин и на почетокот на годината бил во болницата „Драгиша Мишовиќ“, но тогаш тестовите покажале дека е негативен на ковид 19.

– Немав коронавирус, но ме задржаа бидејќи ми најдоа лузни на белите дробови. Но, имав воспаление на мочниот меур, а промените во белите дробови не се последица на коронавирусот – изјавил тогаш Мркоњиќ.

Бекута и Мркоњиќ се речиси девет години во врска, а српските медиуми пишуваат дека пејачката е неутешна поради здравствената состојба на нејзиниот партнер.

Видео на денот