-2 C
Скопје

Осака со пресврт до третата грен слем титула! (ВИДЕО)

Јапонската тенисерка успеа после пресврт да слави во женското финале на грен слем турнирот „УС Опен“ во Њујорк, САД, откако со 1:6, 6:3 и 6:3 славеше против Викторија Азаренка.

Наоми Осака на тој начин дојде до нејзината трета грен слем титула во кариера, вкупно втора на „УС Опен“, а првата ја освои во 2018 година. Има уште една грен слем титула лани на „Австралија опен“.

Белорусинката Азаренка и во третото финале на „УС Опен“ не успеа да се закити со трофејот, како и во 2012 и 2013 година. Има две титули на „Австралија опен“.

Азаренка доминираше во првиот сет кој го освои со 6:1 за нешто помалку од половина час. Во ист ритам продолжи и во вториот сет во кој имаше водство од 2:0, но потоа следуваше поинаква слика на теренот.

Прочитајте и...  Одложени претседателските избори во Барселона

Осака одигра многу подобро, освои шест од наредните седум гемови за израмнување на 1:1 во сетови.

Во третиот решавачки сет, 22-годишната јапонска тенисерка стекна предност од 3:1, Азаренка имаше шанса да намали, но пропушти три врзани брејк топки, па Осака зголеми на 4:1.

Следуваше уште само намалување на 4:3 колку белоруската натпреварувачка да ги одржи шансите на овој меч, но следуваа два гема во низа за Јапонката која на крајот дојде до победата за титула.

Поврзани вести

СП Египет: Рутински победи на Данска и Унгарија

Слободен печат

Евролига: Изненадување во Пиреја, Фенербахче зареди со победите

Слободен печат

ВИДЕО: „Дерби дела капитале“ во знакот на Лацио

Слободен печат

Кошаркарите на Пелистер остануваат перфектни, го решија и МЗТ Скопје 

Слободен печат

Турција без проблеми по втор пат ја совлада БиХ

Слободен печат

Српски репрезентативец нокаутиран на тренинг на Кристал Палас

Слободен печат

Остави Коментар