Новиот калчолигаш го „мерка“ Несторовски
Илија Несторовски моментно се подготвува со македонската репрезентација за новите настапи во квалификациите за ЕП 2020 во Скопје против Полска и Австрија.
Несторовски со Палермо имаше цел сезонава да се врати во Серија А, но не успеа. Потсетување дека најпрвин поради финансиски малверзации клубот беше пратен во понизок ранг, но веднаш потоа одлуката ја преиначи италијанскиот Федерален суд.
Calciomercato Palermo: Nestorovski e Rispoli nel mirino del Lecce. La situazione https://t.co/jRGHFvYnk8
— Valerio Cracchiolo (@vale_crak) June 6, 2019
Станува збор за тимот на Лече кој лани во Серија Б го освои второто место со еден бод помалку зад Бреша во конечниот пласман.
За Несторовски се шпекулираше и дека Црвена Звезда има намера да го ангажира македонскиот репрезентативец кој во досегашните три сезони за Палермо беше стрелец на 39 голови.
Многу тимови ги посакуваат услугите на нашиот играч, останува да се види наредниот период после квалификациските мечеви дали ќе остане во Палермо или ќе прифати една од понудите кои редовно доаѓаат.