Претходно беше објавено дека Палермо е исфрлен во Серија Ц, по што веќе започнаа и низата шпекулации околу заминувања на играчи, а меѓу нив се наоѓаат и нашите двајца репрезентативци.

Голема желба на Илија Несторовски беше да го врати Палермо во елитата како еден од главните носители на играта, но целта ќе остане неисполнета и оваа сезона.

Има договор со клубот од Сицилија до 30 јуни 2021 година, но сега прашање е дали до крај ќе го одработи.

Според хрватските медиуми, Хајдук кој се спрема за европското лето ги посакува услугите на 29-годишниот напаѓач. Токму во Хрватска се прослави со своите одлични перформанси во дресот на Интер Запрешиќ преку кој направи трансфер во Италија.

Несторовски би можел секако и по „скретен пат“ до Серија А, се разбира доколку прифати некоја од понудите кои што досега доаѓаа на негова адреса. Не е прв пат да се објави интерес од Фиорентина, Аталанта, Удинезе, Болоња, Сасуоло, Џенова, Парма, а истите се активни и годинава…

Исто така се шпекулира дека Лече е подготвен да влезе во преговори за Трајковски, стрелец на осум голови, како што известува „Кориере дело спорт“.