Македонската репрезентација која беше дел од Ц-групата што се играше во Словенија, не успеа да ја мине групата и покрај двете победи и освоените шест бода.

Избраниците на селекторот Никола Матијашевиќ не разочараа и дефинитивно заслужија да бидат во осминафиналето, прв историски триумф на континенталните собири против Белорусија, а наредниот ден уште една голема изненадувачка победа над еден од домаќините на ЕП, Словенија.

Чекавме Турците да ни направат „услуга“ да триумфираат над Финска да го освоиме четвртото место, но тоа не се случи. Уште повеќе боли фактот што една селекција од групната фаза и со помалку бодови успеаја да се најде во елиминациската фаза.

Станува збор за селекцијата на Грција која освои три бода во групата А со само една победа над Романија (3:1) и четири порази од Португалија (1:3), Франција (0:3), Италија (1:3) и Бугарија (0:3).

На Европското одбојкарско првенство синоќа завршија натпреварите во групната фаза по кои познати се учесниците за осминафиналната фаза.

Двојки за осминафиналето –

Франција – Финска
Италија – Турција
Русија – Грција
Словенија – Бугарија
Србија – Чешка
Белгија – Украина
Полска – Шпанија
Холандија – Германија