Ајрланд Болдвин, ќерка на Алек Болдвин и Ким Бејсингер, откри дека го очекува второто дете со својот партнер, музичарот Андре Ален Анжос, познат како РАЦ. Двојката веќе ја има тригодишната ќерка, Холанд, пренесуваат странските медиуми.

Таа ја сподели среќната вест во симпатично видео на социјалните мрежи, во кое покажа како се подготвува за доаѓањето на нов член во семејството.

Видеото ја прикажува Ајрленд како додава бебешки предмети во својот дом, како што е закачување крпа за бебето, ставање боди за новороденче врз пижамите на постарото дете и поставување шише со цуцла покрај детска чаша за пиење.

Идната мајка на две деца, исто така, го покажа своето чувство за хумор, туркајќи шише вино од кадарот и заменувајќи гo со таблети за спиење, навестувајќи што ја чека во блиска иднина. Објавата завршува со прикажување на неколку фотографии од ултразвук.

Обожавателите беа воодушевени од веста и им честитаа на идните родители во коментарите.

Откако ја роди ќерката Холанд во мај 2023 година, Ајрленд отворено зборуваше за предизвиците со кои се соочила за време на бременоста и постпородилниот период и како тие влијаеле на нејзиното ментално здравје.

– Многу се мачев за време на бременоста, како што се мачат многумина од нас. Не беше само постојаното повраќање. Како некој што страда од тешка здравствена анксиозност, бременоста ме однесе на следно ниво. Секоја мисла во мојата глава беше дека ќе го повредам бебето. Дека ќе се повредам себеси – напишала таа во објава на Инстаграм во мај 2023 година.