13 C
Скопје

Јерговиќ, Баздуљ, Каракаш… гости на „ПРО-ЗА Балкан“ – дел ќе пристигнат во Скопје, дел преку видеоразговор

На првата фестивалска вечер на 14 септември во Куршумли-ан ќе биде промовирана и новата книга на авторот Бранислав Николов (Пијан Славеј) – „Срчки“.

Врвни автори од регионот, како и наши автори ќе бидат гости на 8.Интернационален литературен фестивал „ПРО-ЗА Балкан“, што ќе се одржи од 14 до 17 септември на повеќе локации во Скопје.
Писателот Мухарем Баздуљ, еден од најчитаните во регионот, ќе настапи на првата вечер. Баздуљ е писател, новинар и преведувач. Неговите 20-ина книги се преведени на повеќе странски јазици, а ги има добиено голем дел од значајните новинарски награди во БиХ и во Србија. Две негови книги се преведени на македонски јазик – „Ѓаурот и Зухејда“ („Готен“) и „Кукла од марципан“ во издание на „Везилка“.

Освен Баздуљ, во Скопје ги очекуваме и: Угљеша Шајтинац (Србија) – добитник на Европската награда за литература, Маја Солар, авторка која се бави со феминистички и филозифски теми, и младата книжевна ѕвезда во регионот, Магдалена Блажевиќ (БиХ).

Прочитајте и...  Собранието ќе расправа за избор на Насер Зибери за народен правобранител

Македонската книжевна сцена ќе ја претстават две писателки – Калина Малеска и Елизабета Баковска.

Поради ковид-пандемијата, некои од авторите што ги поканивме во Скопје, сепак, ќе учествуваат од далечина. Анте Томиќ и Миљенко Јерговиќ подготвија полачасовно видео кое ќе биде уживање за сите книгољубци, додека Дамир Каракаш подготви луцидно и креативно излагање за неговите книги и светот во којшто моментално живееме.

Како што веќе беше најавено, годинашен лауреат на наградата за авторски придонес во балканската книжевност е големиот Исмаил Кадаре, којшто ја прими наградата „Прозарт“ пролетта во Франција.

Фестивалот и годинава ќе се одвива четири вечери, овојпат на три локации – Куршумли ан, Europe House и Кинотеката. Отворањето ќе биде на 14 септемри во 19.30 часот со претставување на делата на Баздуљ, Шајтинац и на Малеска, а ќе следи и видеомонолог на Каракаш. Првата вечер ќе биде промовирана и Срчки“, новата книга на Бранислав Николов („Пијан славеј“). На промоцијата ќе настапат авторот и басистот Гоце Јованоски.

Прочитајте и...  Уште 183 нови случаи на ковид во Македонија, 1.731 оздравен и 6 починати, најмладиот има 45 години

На вториот ден, во Europe House ќе биде организирана тркалезна маса на тема „Литература и криза: почетна точка за нови противотрови“. Ќе учествуваат гостите писатели и членовите на „Скопје fellowship“ програмата. Ќе следува средба на членовите на оваа програма со претставници на Македонска асоцијација на издавачи.

Вечерта ќе бидат претставени писателките Блажевиќ, Баковска и Солар и нивните дела, а музичарите Гоце Јованоски и Андреа Мирческа ќе изведат експериментална звучна импресија од филмот „Устав на Република Хрватска“ по сценарио на Анте Томиќ. Ќе следи видеоразговор меѓу Јерговиќ и Томиќ, изработен специјално за фестивалот.

На третата вечер која традиционално е посветена на лауреатот, ќе биде прочитан неговиот говор, а секој автор ќе прочита извадоци од своите дела.
Во рамките на дополнителната програма на фестивалот, на 17 септември во летното кино на Кинотеката, ќе биде прикажан филмот „Медена земја“ во режија на Тамара Котевска и Љубомир Стефанов. Преку видеоприлог, Миљенко Јерговиќ ќе зборува за филмот по проекцијата.

Прочитајте и...  Шекеринска меѓу 153 глобални лидери потписници на писмото до Бајден за поддршка на политиките за борба против климатски промени

За делата на гостите ќе зборуваат: Александар Прокопиев (уметнички директор), Ермис Лафазановски (претседател на Одборот за доделување на наградата „Прозарт“) и Владимир Јанковски.

Интернационалниот литературен фестивал „ПРО-ЗА Балкан“ е во организација на издавачката куќа „Прозарт“ а поддржан е од: Министерството за култура, ТРАДУКИ, Институтот „Јунус Емре“ од Скопје, Делегацијата на ЕУ, Град Скопје, амбасадата на Босна и Херцеговина и Кинотеката.

Поврзани вести

Србија денеска доби уште 11.700 дози вакцини од Фајзер

Слободен печат

Средба на министерот Спасовски со амбасадорот на Република Косово во Република Северна Македонија

Слободен печат

„Гласен текстилец“: Не потпишувајте спогодбени откази, нема веќе надомест

ЕСМ доби аванс за продажба на старата заграда, за новата нема употребна дозвола

Весна Дамчевска

Ковид-19 ги „секна“ средствата за регрес за 27.000 буџетари

Соња Кириџиевска

Денеска без вода дел од Долно Лисиче

Слободен печат

Остави Коментар