Блејк Лајвли побара помош за време на постпродукцијата на „Ова завршува со нас“(It Ends With Us), а еден од тие обиди бил преку мејл до Бен Афлек, нејзиниот сорежисер за филмот „Градот“ (The Town).

Во мејлот таа побарала повратни информации за нејзината верзија на филмската адаптација на романот на Колин Хувер, а деталите беа откриени во судска документација што ја виде „Е!Њуз“.

Во мејлот од мај 2024 година, Лајвли детално ја опишала својата постпродукциска соработка со режисерот на филмот Џастин Балдони, тврдејќи дека „на крајот го преработила и реструктуирала целото сценарио“ за филмот, за кое официјално ѝ се потпишала Кристи Хол. Додека презимето на примателот било редигирано во судските документи, е-поштата се однесува на детали од животот и кариерата на Афлек.

Актерката, која има четири деца со Рајан Рејнолдс, исто така рекла дека „сите“ што Балдони ги ангажирал на филмот биле „во култ“.

– Доколку само формално го режирав, ќе беше многу полесно, но бидејќи морав да се справам со неговите вкусови, его и одлуки што веќе беа донесени, стана толку тешко, а тоа дури и не ги допира прашањата за човечки ресурси и пошироко – напишала таа.

Лајвли објасни дека барала придонес од Афлек бидејќи влегувала во „натпревар“ со Балдони околу тоа чија верзија од филмот ќе биде конечна. Таа го замолила да ја гледа нејзината верзија ако има „1:58 слободно време во секое време во следните неколку дена“, додавајќи дека тогашната сопруга на Афлек, Џенифер Лопез, и нејзините деца би можеле да ѝ се придружат, бидејќи таа „би сакала да ги чуе и нивните мисли“.

„Јас сум голем обожавател на Џенифер. Ѝ го кажував тоа секој пат кога ја среќавав и би ми било чест да ги чујам нејзините мисли“, продолжила Лајвли.

Лајвли, чие судење против Балдони за обвиненија за сексуално вознемирување и одмазда е закажано за мај, постојано нагласувала во пораката дека „нема притисок“ врз Афлек да го гледа филмот.

„Навистина сакам ова да функционира по сè што вложив во него. Овој филм речиси ме уби. И можам да се сетам на многу малку луѓе кои би биле толку проникливи како што знам дека би бил ти“, објаснила таа.

Во е-поштата, таа исто така ги пофалила режисерските напори на Афлек и откри дека неговиот долгогодишен соработник и пријател Мет Дејмон планирал да ја гледа верзијата.

„Рајан го замолил и Мет да го гледа, па мислам дека ќе го гледа овој викенд. Се појавуваат добри луѓе. Многу сум благодарна за тоа“, заклучила таа.

Откриени шокантните пораки што Тејлор Свифт ѝ ги испраќала на Блејк Лајвли во судската битка против Џастин Балдони: „Овој кловн паѓа на сè“