Денеска беа формирани четирите натпреварувачки групи за новата сезона 2020/2021 во Еврокупот. Вкупно 24 клубови кои доаѓаат од 15 различни држави од Европа се најдоа во барабаните, односно групите на носители на ждрепката одржана во Барселона.

Овие екипи поделени во четири групи по шест, ќе одиграат по десет мечеви (пет на домашен, и исто толку на гостински терен) во периодот од 30.септември до 16.декември.

По четири најдобри од секоја од групите ќе обезбеди пласман во ТОП 16 фазата. Односно нови четири групи, со по четири екипи, кои ќе одиграат уште шест натпревари во групната фаза која е предвидена да се реализира од 20.декември 2020, до 3.февруари 2021 година.

For a final time, here are how the groups are looking ?#EUROLEAGUEUNITED #RoadToGreatness pic.twitter.com/Z3uzbQytpL

— 7DAYS EuroCup (@EuroCup) July 10, 2020

Четвртфиналната серија „подобар во три“ натпревари ќе се игра во периодот од 2. до 10.март, а полуфиналните серии се на програмата од 16. до 24. март. Големото финале пак е закажано за периодот од 6-14.април.

Доколку Ненад Димитријевиќ остане и следната сезона во шпанската екипа на Хувентуд Бадалона, и Македонија ќе има претставник во ова натпреварување. Потсетување дека за нашиот плејмејкер интерес покажа евролигашот Валенсија.

ГРУПА А: Уникс, Хувентуд, Партизан, Венеција, Бахчешехир, Бург

ГРУПА Б: Уникаха, Будуќност, Макаби Ришон Ле Зион, Бреша, Улм Ратиофарм, Булоњ

ГРУПА Ц: Локомотив Кубан, Морабанк Андора, Лиеткабелис, Виртус Болоња, Монако, Остенде

ГРУПА Д: Промитеас Патра, Гран Канарија, Тренто, Цедевита Олимпија, Бурсаспор, Нантер 92