Првиот светски рекет Новак Ѓоковиќ успешно го започна патот кон олимписко злато, една од неговите ретки неостварени цели.

Денеска во првиот ден на Олимписките игри во Токио српскиот ас во првото коло го совлада Уго Делиен за еден час игра со резултат 2:0 во сетови 6:2 и 6:2.

Во 1/16 финалето Ѓоковиќ ќе ги одмери силите против Јан-Ленард Штруф од Германија кој на стартот со 6:3 и 6:4 беше подобар од Бразилецот Тијаго Монтеиро.

Вториот носител на турнирот, Данил Медведев од Русија ја оправда фаворитската улога против Александер Бублик од Казахстан со 6:4 и 7:6 (8).

Следен ривал на Медведев ќе биде Сумит Нагал, Индиецот со 2:1 триумфираше над Узбекистанецот Денис Истомин со 6:4, 6:7 (6) и 6:4.

За пласман во осминафиналето Милман ќе игра против Давидович Фокина, Басилашвили ќе се соочи со Сонего, Карацев против Шарди, а Умбер за ривал го има Кецмановиќ.

Кина го освои првиот златен медал на Олимпијадата во Токио