1 C
Скопје

Ганиу: Непрописното паркирање на Пластичарска улица ќе се реши со изградба на две нови катни гаражи (ВИДЕО)

На почетокот на пандемијата општина Чаир имаше најмал број на заразени од коронавирус, благодарение на граѓаните кои беа послушни, рече денеска во Скопски агол, на „Утрински брифинг“ на „Слободна ТВ“, градоначалникот на Чаир, Висар Ганиу.

-Ние на почетокот на пандемијата преку разглас ги повикавме граѓаните да останат дома и да ги почитуваат препораките ба Владата. Не би се согласил со тврдењата дека поради прославата на Рамазан Бајрам граѓаните беа непослушни. Постот трае цел месец, а граѓаните дури неколку дена пред крајот на светиот месец почнаа да го прекршуваат полицискиот час, бидејќи сите веќе почувствувавме олабавување, рече Ганиу.

Тој зборуваше за поставениот бетонски ѕид на улицата Цветан Димов, како и за останатите инфраструктурни зафати кои општината ги реализираше за време на пандемијата.

Прочитајте и...  ВМРО-ДПМНЕ: Тепање на граѓани е спектакл за Оливер Спасовски

– Бетонскиот ѕид го направивме за поголема безбедност, пред се на децата. Таму има две училишта и една градинка. Со ѕидот нема повеќе претрчување преку улица. Исто така се намали и метежот на улицата, ако порано се поминуваше оваа улица за половина час, сега се поминува за пет минути. Кружниот тек на ул. Втора Македонска Бригада е при крај, а ја проширивме и Пластичарска за уште една коловозна лента. Работевме и на изградба на нова трибина во Чаир. Булеварот Х. Т. Карпош го работевме со Град Скопје, а вчера завршивме крак на овој булевар со целосна промена на подземната инфраструктура, рече Ганиу.

Тој додаде дека непрописното паркирање на Пластичарска ќе се реши со изградба на две нови катни гаражи.

Прочитајте и...  ВИДЕО | Хаос во сообраќајот: Поради снежни наноси се лази на Плетвар, на Ѓавато сега фрлаат сол

– Постапката ќе почне откако се ќе променат деталните урбанистички планови. Деталните планови сега се во Град Скопје, по што ќе поминат во другите институции. Штом ќе завршат процедурите може да почне со изградба. Дотогаш, паркирањето ќе биде проблем, но не би сакале да им наштетиме на малите бизниси, објасни Ганиу.

Тој информира дека од понеделник службите во општината ќе работат со полно работно време.

 

Поврзани вести

Ковид-19 повторно го „заклучува“ светот, рекордни бројќи на смртни случаи во Британија и Португалија

И.И.

Заев: Ние, мажите не смееме да бидеме неми сведоци на насилството врз жените и девојчињата

Слободен печат

Вибрации на тлото крај Пацификот: Земјотрес со јачина од 5,9 степени ја погоди Гватемала

Слободен печат

Маричиќ порачува: Подготвени сме за модерен попис, политиката подалеку од статистичката операција

Слободен печат

Грција го отвора продавниците, останува забраната за движење и полицискиот час

Слободен печат

Трамп планира да го напушти Вашингтон утрото на 20 јануари кога е инаугурацијата на Бајден

Слободен печат

Остави Коментар