Руски воен брод вчера спроведе вежба со боево гаѓање во меѓународните води, приближно 74 километри јужно од Плимут, пристанишен град на југозападот од Велика Британија. Триесетминутниот артилериски маневар се одржа под придружба на брод на Британската кралска морнарица, пишува Скај њуз.

Портпаролот на Министерството за одбрана го потврди настанот.

„Рускиот брод, кој беше придружуван од Кралската морнарица, вчера спроведе вежби со боево гаѓање во меѓународни води, приближно 40 наутички милји јужно од Плимут. Кралската морнарица ја следеше вежбата во текот на целиот период. Продолжуваме внимателно да ги следиме активностите на бродот и сме подготвени да ја заштитиме националната безбедност на Обединетото Кралство“, се вели во соопштението.

ВИДЕО | Украина ја нападна Московската Област со стотици дронови — избувнаа пожари, има повредени

Пред почетокот на гаѓањето, рускиот брод го информирал британскиот патролен брод ХМС Тајн за својата намера. Тој побарал ХМС Тајн да се премести на безбедно растојание, а британскиот екипаж го сторил тоа.

Мисијата на рускиот брод

Бродот „Бестрашен“, како што гласи неговото име, ги следи танкерите на руската „флота во сенка“ низ Ламанш. Тоа е втор руски воен брод што извршува таква задача во последните недели.

Минатиот месец неговиот претходник, адмирал Григорович, испука предупредувачки истрели кон британски пар на јахта.

Кремљ: Најголемата грешка на Европа е што преговара со Русија од позиција на сила