Една од четирите мостри што Институтот за јавно здравје ги подигна во Гостивар, откако Јавното обвинителство почна истрага за загадувањето на водоснабдителниот систем, била мостра земена од површинска вода од петта категорија – вода загадена на степен на канализација, која не би можела да се прочисти дури ни кога би постоела пречистителна станица и на ниеден начин по кој било правилник и закон, не би можела да стане вода за пиење, дознава „Слободен печат“ од свои добро упатени извори.

Таква вода е една од четирите мостри што беа испитани, но немаме потврда дали завршила во централната водоснабдителна мрежа на Гостивар.

Петтата (V) категорија на површински води во Македонија се однесува на многу загадени води со висок степен на оптовареност, кои според националната Уредба за класификација на површинските води не ги исполнуваат ниту основните еколошки стандарди.