ФОТО | Зендаја има нова, шик фризура, која „Вог“ ја прогласи за најдобра за 2023!
Боб – фризурата суверено владее веќе неколку години наназад.
Фризерот на познатите, Лук Хершесон отишол толку далеку што ја прогласил за најголем тренд и за следната година, пишува магазинот „Вог“. Оваа фризура воодушевено ја прифатија многу ѕвезди, како Хелена Кристенсен, Дуа Липа и Каја Гербер, а сега им се придружила и Зендаја.
На еден настан во Лос Анџелес, 26-годишната актерка се појавила со краток боб и така го привлекла вниманието на јавноста. Патецот на страна и многу волумен е новата фризура на Зендаја и неодоливо потсетува на оние ретро од педесеттите години од минатиот век.
View this post on Instagram
Иако е инспирирана од фризура што се носела во минатиот век, Зендаја изгледа многу модерно, така што оваа фризура преку ноќ стана најпребаруваната на интернет, па и магазинот „Вог“ го даде своето мислење, а тоа е дека ова е најубавата фризура за 2023 година.
View this post on Instagram
Исто така, во оваа пригода Зендаја уште еднаш покажала дека е кралица на стилот. Облекла црна блуза со бисерни копчиња и миди карирано црно-бело здолниште со потпис на брендот „Скјапарели“. Целиот овој стајлинг го зачинила со познатите чевли на Кристијан Лобутин.
ВИДЕО | Кенан Томпсон за Зендаја: Доволно млада за да глуми средношколка, но престара за Дикаприо
Зендаја е најмладата двократно номинирана актерка за наградите „Еми“ за најдобра главна улога